أخبار عاجلة

وكإن قلبي بقلم محمد علي حسن

وكإن قلبي بقلم محمد علي حسن
وكإن قلبي بقلم محمد علي حسن
وكإن قلبي من ميزانه اختل 
وكإن قلبِك طبعه إنه اتقَل 
وكإن روحي وعمري وحياتي 
ما اعرفش غيرهم لما قلبي يمِل 
شايف عيونِك بحر ما له قرار
طالل يا خد الورد ع اللي احتار
فارد جناح الحب ع الآخر
مستني منِك بس مَرة اختار
اخترت قلبِك عن قلوب عاشقين
و اخترت اعيشِك رغم كوني حزين
ما فضلش غير إنِك تكوني الحضن
ما فضلش غير إنِك تقولي آمين
دايما بعيش الحزن قبل الحب
دايما بدوق حرمان و اعيش الحرب
دايما بيطلع عشمي برضو برئ
و براءتي إني كنت عايز احِب
ما ادريتش إنِك زهرة من بُستان
قلبي اللي عاشِك طبعه مش خيبان 
خوفه الوحيد يغرق في بحر الحب
و يلاقي آخره خيط لكن بهتان