أخبار عاجلة

رواد السوشيال ميديا يردون على الرافضين لإتفاقية تعيين الحدود البحرية مع السعودية..نثق فى النظام ومؤسساته.. مخططكم إحداث بلبلة والتشكيك فى الجيش ورموز الدولة وليس دفاعا عن الأرض.. ويشددون: الوطن لن يذهب للفوضى

رواد السوشيال ميديا يردون على الرافضين لإتفاقية تعيين الحدود البحرية مع السعودية..نثق فى النظام ومؤسساته.. مخططكم إحداث بلبلة والتشكيك فى الجيش ورموز الدولة وليس دفاعا عن الأرض.. ويشددون: الوطن لن يذهب للفوضى
رواد السوشيال ميديا يردون على الرافضين لإتفاقية تعيين الحدود البحرية مع السعودية..نثق فى النظام ومؤسساته.. مخططكم إحداث بلبلة والتشكيك فى الجيش ورموز الدولة وليس دفاعا عن الأرض.. ويشددون: الوطن لن يذهب للفوضى

محمد عطية

مع تطور قضية تعيين الحدود البحرية بين مصر والسعودية، وبدء مجلس النواب أولى جلسات مناقشتها اليوم الأحد، بدأ رواد مواقع التواصل الاجتماعى، فى الرد على بعض التعليقات الرافضة للاتفاقية، حيث تداولت بعض الصفحات بوستات فى هذا الشأن منها:

- موضوع "تيران و صنافير".. المفروض دلوقتى بين يدى السلطتين التشريعية و القضائية.. اللى هم بالتأكيد أقدر و أجدر منا "أنا بنوتة حبوبة أوى"، و "شاعر و لكن.. باقى فقهاء السوشيال ميديا على تناوله و حله بشكل احترافى.. ممكن ببساطة نرمى لك الخريطة دي و نقولك: "طالما حضرتك فالح كده.. اتفضل ورينا فين حدود المياه الإقليمية السعودية..و الا فى دولة ساحلية بدون مياه إقليمية فى العالم.. اتفضل.. القلم معاك.. ورينا".

 

- طبعا لا هتعرف و لا تقدر ترسم خط الحدود.. و دا مايهمناش عموما.. رأيك الشيق اللى عصرت بيه ليمون علي نفسك قبل كده و جبت لنا إرهابى يحكمنا.. تقدر عن طيب خاطر تحتفظ بيه لنفسك.

 

- إحنا سايبين الموضوع لمؤسسات الدولة.. إحنا ناس عندنا "دولة".

 

- متخلفين.. بنؤمن بأفكار زى "الدولة".. و"القانون" و "المؤسسات".. مش متقدمين بننكش شعورنا ونمشى نرمى مولوتوف على المبانى و ننتخب إرهابيين و نسوق الهبل على خلق ربنا زي حضرتك.

 

- أيه الهدف دلوقتي من الموضوع؟

 

- هدف هوجة "تيران و صنافير" من البداية مكانش أنا و لا حضرتك و لا حد مننا.

 

الهدف كان و لا زال هو "الجيش"..

 

- المطلوب إنه يحصل ارتباك في صفوف الضباط و الجنود.. و يبدأوا يتشككوا فى السلطة التنفيذية.. و يبصوا بعين الريبة لرئيس الأركان ووزير الدفاع و رئيس الجمهورية.

 

- المطلوب إنه تحصل بلبلة.. و يصدق بعض الضباط إن رئيس الجمهورية "بيبع الأرض"..  و إنه خاين.. و يا إما تبقى ضده و "تنقلب عليه".. يا تبقى خاين زيه.

 

- هو دا الهدف..

 

- علشان كده كله بيشتغل تنظير و حنجوريات و شعارات..

 

- هات أى واحد منهم و قل له اتفضل يا حبيبي.. ارسملى حد المياه الإقليمية السعودية.

 

- يهرب من الموضوع و يكلمك عن الحقوق التاريخية و خرايط محمد علي.. و أيام ما مصر كانت مصر و السودان و إلخ إلخ..

 

- حبيبي.. ارسم لي حد المياه الإقليمية السعودية...!

 

- بالتالى الموضوع لا هو جزر و لا أرض و لا أي كلام من دا.. كنا واقفين نحرس الأرض و هم عايزين يحرقوها عشان "دا ثمن الثورة"..

 

- نسيتوا سينا اللى كنتوا موافقين تروح لحماس؟ نسيتوا حقوق الإنتفاع القطرية على الآثار و قناة السويس اللي كان عايز يعملها جاسوسكم المنتخب و كنتوا بتبرروا له؟؟

 

- نسيتوا الجيش الأمريكي اللي وقفتوا تنادوه ييجى يحتل مصر.. و زمايلكوا بيقولولوا لنا عليكم "دول فصيل وطني"؟؟

 

- أرض أيه؟؟

 

- أنتوا نسيتوا نفسكم.. ؟؟

 

- إحنا بقى بالنسبة لنا الموضوع مات.. اللي تتوصل له مؤسسات الدولة حنحترمه تماما.. تقول مصرية.. سعودية.. موزامبيقية.. إحنا مع "الدولة"..

 

- ومش أنا اللى حقول "القاضي دا مختص" و "القاضي دا جاوز اختصاصه".. و أفصل في حكمين قضائيين متناقضين..

 

- فى محكمة عليا بتقرر دا..

 

- هو إيه تعريف الدولة؟

 

- الدولة هي مجموعة من الأفراد بيمارسوا نشاطهم على إقليم جغرافي محدد وبيخضعوا لنظام سياسي معين متفق عليه فيما بينهم.. تتولى تنظيم شؤونهم "مؤسسات معينة"..

 

- والمؤسسات دي هي سلطات الدولة الثلاث.. سلطة تنفيذية بكامل أفرعها.. بتتخذ وتنفذ قرارات سيادية و تقوم علي تنفيذ قرارات السلطة القضائية..

 

- وسلطة قضائية بكامل تخصصاتها بتراقب السلطة التنفيذية.. و برلمان بيشرّع للإثنين و يرجع للشعب.. و لبعض المؤسسات دى مساءلة بعضها البعض.. أو إلغاء أو تعديل قرارات بعضها البعض عن طريق آليات و قوانين معينة..

 

- غير كده بيبقي اسمها "فوضى"..

 

- مش حنديكم الفرصة دي..

 

- ومش أنتوا اللى حتقولوا لنا فلان خاين و فلان وطنى.. بعدما حرقتوا لنا منشآتنا و هاجمتوا رجال الأمن زي أي مجرم.. و اتمولتوا من برا.. و السفير الإنجليزي بيقوم محامي للي يتقبض عليه منكم في مخالفة مرور منكم.. أنت أصلا بالنسبة لنا خاين.. فمش مستنيين منك صكوك وطنية..

 

- اللى عايز يقول كلمة يتفضل يبلغها لعضو البرلمان اللي انتخبه.. دا لو كان فالح أصلا و انتخب حد مقعدش زي أرامل الحرب يقولي "أنا مقاطع" ..

 

- إحنا مع سلطات الدولة..

 

 - مع السيد رئيس الجمهورية..

 

- ومع الجيش ..

 

- ومع قياداته..

 

- الكلام خلص ومبقاش لينا.. بقى لسلطات الدولة و مؤسساتها..

 

- غير كده.. إحرق فى نفسك لوحدك.. إحنا مش سامعينك..

 

 

هذا الخبر منقول من اليوم السابع