أخبار عاجلة

فضفض مع رشا الجندى فى سرية تامة.. أقوى خدمة نفسية فى الوطن العربى.. أنت تسأل وهى تجيب مجانا

فضفض مع رشا الجندى فى سرية تامة.. أقوى خدمة نفسية فى الوطن العربى.. أنت تسأل وهى تجيب مجانا
فضفض مع رشا الجندى فى سرية تامة.. أقوى خدمة نفسية فى الوطن العربى.. أنت تسأل وهى تجيب مجانا

علم النفس يؤمن بأن الكتمان ضعف والتعبير كما يكنه الانسان قوة .. وهذا يرجع للتأثيرات النفسية السلبية التي يتركها الكتمان في الانسان .. فقد نجد انسان يكتم بداخله مشاعر ايجابية كانت ام سلبية، ولا يتمكن من التعبير عنها لأحد، او لم يجد في حياته من يثق فيه او من يحبه ليعبر له عما بداخله.. وذلك نظرا لظروف الحياة وضغوطها، فاصبح الكثيرون ليس لديهم طاقة ولا وقت للاستماع للأخرين..

لذا لم اتردد لحظة في ان اقبل تفعيل هذه الخدمة التي اكتشفت من خلال مشاكل القراء انها ( خدمة انسانية ).. وقد كنت اقول عليها ( خدمة وطنية ) ولكنني اكتشفت ان المشاكل تأتي من دول اخرى غير مصر ولذا فهي " خدمة انسانية" لا تعرف التفرقة بينكم في جنسياتكم او جنسكم او معتقداتكم ....الخ ولكنها من شأنها تقوية الصحة النفسية للانسان بصفة عامة وخاصة تحت ظروف الحياة الحالية، وإليكم بعض النماذج من المشاكل وردودها:

(1)

( ت – ى الإمارات )

مرحبا كيف حالكً انا متابعتك من الامارات انا عندي مشكلة أني بخاف من الأحداث آللي مش كويسة وعائشة بحالة قلق مش طبيعي لدرجة انو مؤثر بشدة على حياتي خايفة من كل شي خايفة حد يموت من الناس اللي بحبهم خايفة يصير شي مش كويس خايفة حد ياذيني صارلي فترة طويلة خايفة اعمل اي حتى اطلع ولا أتصرف والحين زواجي قرب وكل شوي باجلو خايفة من الزواج نفسو صار عندي مرض السكر من كتر الخوف وصحتي مش اوك ودايما بيصير عندي حالات اغماء وتشنج والمشكلة الخوف مش مبرر جربت اروح دكتور نفسي ما حسيت بفرق املي فالله ثم فيكي شو تتصحيني؟

الرد..
 

عزيزتي ( ت - ي ) .. اهلا بحضرتك في صفحة فضفضة، وتحياتي لعدم يأسك بالرغم من ذهابك لدكتور، وتحياتي ايضا لاتخاذك القرار بكتابة مشكلتك هنا لكي يستفيد ملايين غيرهم لديهم نفس شعورك.. ان الشعور الذي لديك يسمى في علم النفس ب " اضطراب القلق الزائد".. وهو له عدة اسباب منها ( المرور باحداث في الطفولة مؤلمة لم يتم التعامل معها بنجاح وبالتالي استمرت مع الانسان – المرض فقد يكون الانسان قد تم اصابته في حياته بأحد الامراض الخطيرة كالسرطان مثلا فجعلته يصاب بالقلق حتى بعد العلاج لانه لم يتلقى الارشاد النفسي السليم لتخطي فترة المرض بنجاح – تعرض الانسان لمواقف متعدده كانت سبب ضغط نفسي عليه ولم يتلقى الارشاد النفسي السليم لتخطي هذه المواقف بنجاح ايضا وبالتالي تركت القلق والخوف كأثر هام في نفسه دون ان يشعر – الشخصية حيث من الممكن ان تكون شخصية الانسان حساسة جدا وبالتالي تستقبل كل الامور على اعصابها وتكتم بداخلها ولا تعبر عن احساسيها او ما يؤلمها – العامل الوراثي فهناك بعض الابحاث التي قالت ان الوراثة لها دور في القلق الزائد عند الانسان ).. اذن ففي كل الحالات فانت وحدك من يستطع الان تحديد السبب، فأي من الاسباب السابقة الذكر يناسب وضعك؟ هذه اجابة لابد وان تردي بها عليا لكي اتمكن من مساعدتك.. ولكن احيانا يتوه الانسان بين عدة اسباب وبالتالي اذا وصلتي لمرحلة التوهان فعليكي بأن تحكي لي بالتفصيل عن حياتك منذ صغرك للان لكي اتمكن من حديد السبب ومساعدتك.. سانتظر منك الرسالة التالية لتحديد السبب.

 

(2)

( ف – م  مصر )

دكتوره رشا متشكر ليكي جدا علي قبولك لطرح مشكلة أخي أولا اخويا عنده إعاقة في ايده وحب بنت أكبر منه ب5سنين وهي كمان حبيته المهم أتقدم ليها هو مش كان قايل ليها أنه لابس جهاز تعويضي في رجله بس وضح ليها أنه مش قاصد يخبي المهم كان مخبي عليها فرق السن عشان هو بيحبها جدا المهم فضل اربع سنين هي مش قادره تاخد قرار ارتباط رسمي رغم أنه أتقدم وجاهز بس كانت حجتها أنها عندها عدم ثقة وطول 4سنين دول فضل يعمل كل حاجه يقرب بيها ليها دون جدوى المهم من 4شهور قالتها أنا مش عارف اخد قرار في موضوعنا ومش عاوزه اظلمك اكتر من كده وبعد عنها رغم أنه مش قادر وبيتعذب من الفراق ده ا مش قادر يحب غيرها وحاسس ان كل حاجة عملها ععشانها هي مش قدرتها ماحتي أهلها مش قدره ده ولا كلنوه يطيبوخاطره ايه الحل يا دكتوره وشكرا لحضرتك

وبعتت ليه ادد من صفحة عملتها جديدة وبتاريخ ميلاده بتقوله كل سنة وانت طيب ومنزله فيها بوستات أنها بتحبه وكده وهو محتار مش عارف يكلمها تاني ولا هي نادمة ولا هي بتعمل ايه كده طالما مفيش في نيتها ارتباط وهي اللي سابت بعد 4سنين حب

 

 

الرد..
 

عزيزي ( ا – م)  تحياتي لاهتمامك بمشكلة اخوك اولا .. ثانيا فأفضل شئ في العلاقات الوضوح والصراحة .. من الافضل ان يتحدث اليها بصراحة مرة اخرى ويوجه لها سؤال صريح .. هل لديك الموافقة على الزواج مني ام لا؟ اذا كانت الاجابة بنعم فهذا امر جيد لانه يحبها وهي تحبه واذا كانت الاجابة بلا فهذا سوف يساعده على تخطي الامر. وتوقع انه من الطبيعي سيحزن قليلا على الفراق ولكنه من الطبيعي ايضا انه سيجد غيرها .. والاهم ان يتعلم ان يكون صريح فيما بعد مع اي نسانة اخرى يريد الارتباط بها .. لان من حق من سترتبط ب هان تعلم حقيقة ظروفه الصحية فهذا امر لا يعيبه .. بل بالعكس سيؤكد له حقيقة حب الاخر له.

(3)

( ا – ا )

انا بشتغل في شركه عندي ٢٨ سنه انا كنت اول حاجه بشتغل في منطقه دمياط كنت كويس وكنت بتعلم وزي الفل بس كان عندي مشكله لما بشتغل ادام حد مش بيبقى عندي ثقه في نفسي شويه ف المهم اتنقلت لمنطقه بورسعيد وكان فيه واحد معايا في القسم صعب في الشغل هو ك بني ادم كويس بس طريقته صعبه في الشغل خنقني اوي ملهوج يعني اعمل كذا كذا كذا ومش مدي فرصه لحد يعمل حاجه ف المهم واحده واحده بقيت مخنوق وبقيت بنسى اوي وبقيت لما برجع من الشغل واروح البيت كنت بقعد افكر في الشغل ديما ومش بيروح من بالي خالص وكنت بحس بخنقه وضيق اوي ف المهم قعدت كتير على الحال ده وكل ده سترس عليا ف المهم جه وقت مكنتش حابب اتعامل معاه وكمان مكنتش حابب اتعامل مع اي حد في الشغل ومكنتش عايز اروح الشغل خالص لما بدخل بتخنق اوي كمان لما بقيت بطلع شغل بقيت بنسى اوي اوي مفيش تركيز خالص سرحان توهان اوي عارفه كانه واحد مبقاش عنده تفكير ومبقاش ليا رأي مثلا احط حاجه في مكان معرفش حططها فين لازم ادور عليها كمان لما بشتغل مع اي حد الوقتي بقى بيجيلي احاسيس انه بيقول ان انا مش هعرف اشتغل او مش بفهم او مش بتاع مسؤليه وانا كمان لما بشتغل بقيت بقول لنفسي انا مش كويس انا بنسى انا مش بعرف اشتغل احباط اوي اوي كل ده في الشغل بره الشغل انا في سواقه العربيه كويس اوي اوي بقيت بحس اني قلقان اوي ومفيش ثقه في نفسي نهائي كمان معنتش بشوف بالليل مع ان روحت لدكتور قالي انت نظرك مفهوش مشاكل كمان مكنتش بعرف نام خالص حتى لو كنت هموت وانام كنت انام مثلا الساعه ١٢ او ١ افضل على السرير لحد الصبح ولو نمت بصحى كأني منمتش خالص ولما بنام بصحى كأني مخنوق اوي ومهموم جدا ومش حابب اصحى ولا قادر اصحى ولا اقوم من السرير ولا حابب اروح الشغل ؟!!!

الرد..
 

عزيزي ( ا - ا ) .. اهلا بك عزيزي في صفحة فضفضة .. وشعورك الحالي هو شعور طبيعي لمن في نفس حالتك، فانت لا تريد ان تستيقظ من النوم لانك غير سعيد في عملك.. وللاسف لم تفصل بين امور عملك وبين الوقت المتبقي لك في يومك لاسعاد ذاتك.. وطبيعي انك لا تريد ان تذهب للشغل لانك فقدت الثقة في قدراتك .. وانت بنفسك توصلت للسبب وهو مديرك في الشغل الذي كان به هو النقص، وللاسف هذا النقص انتقل اليك بطريقة لاشعورية وبالتالي فقدت الثقة في نفسك .. ولذا عليك من اللحظة الحالية بأن تفيق لنفسك وتنقذها بأن لا تكون ضحية لعيوب الاخرين .. فمن الطبيعي ان يكون هناك قائدك في العمل بهذه المواصفات وتوقع ايضا ان تجد غيره وغيره في اعمال اخرى .. اذن تذكر دوما انك لا تستطيع تغيير الاخر ولكن تستطيع من تغيير نفسك واعادة الثقة بها.. انظر الى المميزات التي انعم عليك الله بها .. فأنت احد المثقفين وذو عقلية يجب احترامها والدليل انك اكتشفت سبب مشكلتك وقمت بتشخيص حالتك ولجأت لمتخصص لمساعدتك .. ولذا فأنت أرقى من ان تترك نفسك ضحية لاخطاء الاخرين وتسوء حالتك يوم بعد يوم ..اهتم بذاتك وحاول ان تمارس الرياضة وتنتقل لعملك بكل ثقة، وتؤدي واجباتك في عملك، ثم تعود بعد العمل لتخصص وقت لوجودك مع اصدقاء ايجابيين يقدرون قيمتك، وتمارس هواياتك .. ولا تفكر ابدا في العمل في غير وقته المخصص له.

(4)

( ت )

بعد التحية والسلام أود أن اشكرك يا دكتورة على هذه الفرصة التى اتيحت لى لاتحدث عن مشكلتى المشكلة باختصار انى حصلت على مجموع عالى ف الثانوية العامة 2015 شعبة علمى رياضيات ولكن لم يحالفنى الحظ فى الالتحاق بكلية الهندسة مع العلم اننى كانت لدى الفرصة للالتحاق بكلية حاسبات ومعلومات او اعلام او غيرها من كليات القمة ولكن التحقت باحد المعاهد الفنية الصناعية (سنتين) والذى يمكن من خلاله الدخول الى كلية هندسة بعد اتمام الدراسة به بشرط الحصول على نسبة عالية ف السنة الثانية من المعهد

والان وبعد مرور سنتين على دخولى المعهد اشعر بالندم اننى فعلت هذه الخطوة

مذاكرتش ف سنة اولى معهد وهى سنة عادية مش مطلوب فيها مجموع ورغم كدا جبت نسبة عالية وف سنة تانية اللى هى السنادى ذاكرت التيرم الاول وامتحنت بس فيه مواد نقصت فيها درجات وبعد اما ظهرت النتيجة تقديرات فقط معرفتش الدرجات كام بالظبط مع ان ده مهم جدا بالنسبة لينا ف المعهد بس دا مشكلة ف المعهد ان النتيجة بتظهر تقديرات بس مع انى كانت تقديرات 7 مواد امتياز ومادة جيد ودى تعتبر تقديرات كويسة الى حد ما

بس انا حصلتلى هزة ف قدراتى وثقتى بنفسى قلت شوية وكنت عمال بفكر من بداية التيرم التانى انى احول من المعهد دا لاى كلية من الكليات اللى كنت جايب مجموعها ف سنتى والتفكير دا فضل مسيطر عليا ومذاكرتش الا قليل جدا

وبعدين قولت طب اذا انا حولت من المعهد هخسر سنتين من عمرى

واذا مش حولت منه ممكن مش اجيب مجموع كلية هندسة منه

والتنسيق بتاعى اللى كنت جايبه ف ثانوى يضيع عليا

ودخلت امتحانات التيرم التانى بس نقصت درجات فى مواد كتير

ودلوقتى تقريبا مش هينفع حتى احول الى كلية لان من شروط التحويل انى لا اكون حصلت على المؤهل لان بمجرد حصولى على المعهد يعتبر تنسيق الثانوية بتاعى ملغى

انما لو كنت مرحتش حتى امتحان من الامتحانات فكنت هسقط نفسى وبعد كدا اعرف احول لان كدا هكون محصلتش على مؤهل وينفع احول

وانا دلوقتى بندم انى كملت المعهد دا وبقول ياريتنى كنت حولت وبندم انى دخلته اساسا مع العلم ان مطلوب ف سوق العمل لكن اشعر بان مكانةخريج الكلية افضل من مكانة خريج المعهد

خصوصل وانى كنت من الطلبة المتفوقين ف المرحلة قبل الجامعية ولكن الاختيار الخطأ عند التنسيق هو من اوقعنى ف هذه المشكلة

والأن السؤال لك يا دكتورة هل يمكن تغير التخصص الجامعى بعد سنتين ؟ مع العلم ان لدى بعض المخاوف من الفشل فى التخصص الذى اريد التغيير اليه ام ان السنتين فترة زمنية كبيرة لا يمكن تعويضها لاحقا

 

الرد..
 

عزيزي ( ت ).. مرحبا بك ف صفحة فضفضة .. اولا انصحك بقراءة المشكلة التي تسبقك وردي عليها لكي تعلم لأي درجة قلة الثقة في النفس من الممكن ان تؤثر بالسلب على حياة الانسان ككل وعلى صحته الجسمانية ايضا.. ثانيا لا تندم على شئ فاتك فمن الواضح انك طالب مجتهد فلا تترك نفسك للندم لان كثير من الاشياء التي كان الكثيرون يتمنونها وسعوا اليها وجاء لهم شئ اخر علموا فيما بعد انه الخير لهم .. فانت اجتهدت في دراستك ولم تقصر وبالتالي من الممكن ان يكون الخير فيما اختاره الله لك بما انك سعيت .. وعلى سبيل المثال فأنا كنت اتمنى دخول كلية اعلام ولم يكن مجموعي في الثانوية العامة يؤهلني لذلك مع انني نت اذاكر ومتفوقة جدا .. وشاء القدر ان دخلت كلية اخرى اجتهدت فيها واصبحت الاولى على الكلية وتم تعييني معيدة فيها الى ان اصبحت دكتورة بالجامعة، وبعدها انطلقت لممارسة هواياتي في الاعلام .. فأيهما افضل؟ ان اكون دكتورة في الجامعة واعلاميه ام اعلامية فقط؟ عليك ان تتذكر دائما ان وظيفتي كدكتورة في الجامعة هي من ساعدتني على ممارسة انشطتي في الاعلام بأنواعه .. ولذا فالافضل ان تستمر فيما انت فيه وتأخذ شهادتك ثم تنطلق فيما احببت وتحاول ابتكار افكار لمشاريع وتأخذ كورسات تدريبية في المجال الذي تهواه نفسك .. ولا تعود للخلف الا لتتعلم منه فقط وليس لتندم علي ما لم يكن لك نصيب فيه..

 

(5)..

( ا – م )

مش قادره اتعامل فى المجتمع وكل حاجه فيه ضدى حتى اهلى وكمان مش عندى اصحاب زمن الصداقه خلص كل بيدور على نفسه كل ناس بتهاجمنى مش قدره افرح ولا عرفه احزن حتا احساسى مش عرفه اوصفه كان نفسى يبقى ليا حد يفهمنى اة حد يحس بيا او يطبطب عليا بس للاسف حتا دا مش موجود فى امى لانها اصلا بقت مش شيفانى خلاص اوقات بحس موت اهون بس حتا موت مش موجود

اوقات زى ماحكتلك قبل كدا بكلم نفسى و احكلها بتخيل الناس اللى بحبها واتكلم معاها واشكله وضحك واتكلم معاها

 

الرد..
 

عزيزتي ( ا – م).. اهلا بك في صفحة فضفضة اولا .. ثانيا كنت اتمنى لو انك تكتبي بشكل تفصيلي اكثر لان شعورك هذا تختلف اسبابه باختلاف عمر الانسان وطبيعة حياته وطبيعة عمله او دراسته .. ولكن بشكل عام فانتي هذه المرة كتبتي شئ مختصر، تأكدي انني متواجده هنا لكي اسمعك بالتفصيل ولن اشعر بالملل ابدا مما تكتبينه، ولذا اتمنى الان ان تحاولي التعبير عن حياتك منذ الطفولة للان واكثر المواقف التي تتذكرينها في علاقتك مع الاخرين .. اكتبي وعبري عما بداخلك وسوف ارشدك بأذن الله الارشاد المناسب لك..

(6)

( س – ا )..

السلام عليكم لو سمحتي يا دكتور عايزه اسال حضرتك انا ليا اخ عنده كهربا زياده علي المخ من هو عنده 9 سنين وكان بتجيله حاله صرع وتشنج وكان بياخد ادويه والحمد لله حالته استقرت ومبقاش ياخد الادويه من حوالي سنتين بس من فتره بيعمل حاجات غريبه مش عارفه افسر هو بيعمل كده لي علي طول واقف مش بيرضي يقعد واوقات بنلقيه باصص في اتجاه معين مركز فيه اوي وممكن نبقي قريبين منه وننادي عليه ميردش وبيبقي واقف وباصص علي الارض ويمشي خطوه ويبص تاني ومش خطوه تاني ولو عمل اي حاجه او مسك اي حاجه علي طول يغسل ايده وممكن يقعد اكتر من ساعه يغسل ايده ومش عارفه عايزه اعرضه علي دكتور بس خايفه نفسيته تتعب اكتر معلش طولت علي حضرتك اتمني حضرتك تساعديني

الرد
 

عزيزي ( س – ا ).. اهلا بك عزيزي في صفحة فضفضة وتحياتي لاهتمامك بمشكلة اخوك .. واسمح لي ان اقول ل كان قرارك بعد عرضه على دكتور مرة اخرى فهذا قرار خاطئ لان حالات الكهرباء الزيادة في المخ تحتاج لتدخل طبي .. فرجاء سرعة عرضه على الدكتور المتخصص في المخ والاعصاب وعدم اهمال هذه الاعراض . وبرجاء اطلب من الدكتور المتخصص ان يكون هناك متابعة للحالة من الناحية النفسية فيكون العلاج الطبي بجانب الارشاد النفسي ولذا من الممكن ان يكتب لك الدكتور تقرير باستمرار عن حالته ويتم عرضه علينا في صفحة فضفضة للمتابعة.

 

 

هذا الخبر منقول من اليوم السابع