لأنني مصري بقلم سمير سعيد البهجوري

قال باكرهك والكره ليك حصرى

قلت احبك أنا لأننى مصرى

الحب لو تعرفه

تعريشه فى البساتين

قال بكرهك لما أشوف رسمك

قلت عندى الأمل مهما كان ظنك

طبعى أنا أفرح

مع الفرحين

مصر الهلال والصليب النيل والهرم

مصر المحبه والظلال الأغانى والكرم

ياريت ولادك يامصر

يفضلوا فاكرين

مصر تعزف من زمان أجمل الأناشيد

قبل الزمان والدين عرفت التوحيد

حجارتها تتكلم

تدهش العارفين

مصر الحضاره معطره بريحة الورد

عايزينها تركع وهى سليلة المجد

والتهمه إنها

تعشق الياسمين

علمك يا مصر غالى هو وترابك

واللى يرفع غيره ينسى أمجادك

والولس يسلم مصر

للطامعين

يارب بارك مصر فى كل حاره ودرب

دا وعد السما أيضا كلام الرب

بالسلام ادخلوها

وكلكم آمنين