رئيس التحرير يكتب : من التراب وإلى التراب يعود .. تحويل جثث الموتى إلى سماد عضوى
رئيس التحرير يكتب : لماذا تصر الحكومة على استمرار شريف أبو النجا رئيسا لمستشفى 57357 رغم الشواهد العديدة على فساده
اقرأ في العدد الجديد ( عدد يناير ٢٠٢٣ ) من جريدة صوت بلادي
قصيدة بقلم محمد علي حسن عبد النبي
يزيد البُعد ...نتلاقى
نِقَرَّب تاني ...نتفارق
تلاهي الدنيا سراقة
وحزن القلب كان فارِق
بشيلِك جوه نن العين
وفي غيابِك بُكايا أنين
أقول يمكن ألاقي حنين
في أول لهفة بالأحضان
فَرَدت جناحي ضميتِك
بكَسرة قلبي حسيتِك
ورغم الأهل حبيتِك
وقلت هيحلا بينا زمان
يا بنت الجرح والحرمان
غلطتي كتير وانا المسؤول
لا كنت ف حبي ليكي جبان
ده حبي عدّا م المعقول
كلامِك دَبش مش صافي
شَريتِك وانتي بعتيني
ده حبِك هَد ف كتافي
وطَلَّع نن عين عيني
مفيش أوقات هتجمعنا
يا أكتر جرح عذبني
مفيش لرجوعنا يوم معنى
كفاية البُعد دوبني
