الشاعر أحمد جابر سويلم يكتب: الحكايه ايه

 الحكايه ثوره   
وابتدت بالمناوره
 والصدور للرصاص
 مهمهاش 
مش مهم 
مين يموت 
مين يعدى 
مين يفوت 
والشباب 
قالو البدايه
 وانكتب حرف الروايه
 والقلم 
ابتدى يحكى عالورق
 كل الحكايه 
قال فى يوم 
شمسه قامت تنور 
والحلم صوره فى الخيال 
والدم على الارض سال 
والشهامه لسه فى المكان
 والشباب جواه كيانها
 مهما زاد الدم حالف يصونها
 والرحيل حتما فى قولها 
والظلام لسه حابس للشمس نورها 
والشعار صوته واحد فى قولها 
وابتدى الخرفان فى دورها 
وابتدى ينكشف فى الحقائق اصولها 
والتعالب من جحورها 
بصه لسه من جواها 
خايفه تظهر للشمس 
الشمس تحذرها