رئيس التحرير يكتب : من التراب وإلى التراب يعود .. تحويل جثث الموتى إلى سماد عضوى
رئيس التحرير يكتب : لماذا تصر الحكومة على استمرار شريف أبو النجا رئيسا لمستشفى 57357 رغم الشواهد العديدة على فساده
اقرأ في العدد الجديد ( عدد يناير ٢٠٢٣ ) من جريدة صوت بلادي
قصائد قصيرة جدا شعر : عيد حميدة
ياما ناس بتحيا مسلمه
لله حياتها وأمرها
وناس بتسكن في القصور
وناس بتبنى ف قبرها
وناس قلوبها بتتوجع
عايشه حياتها مكرهه
يارب لوساعة رضا
هنعيش ونحفظ سرها
ولا ييجى يوم رح تختفى
ولا حد يكشف سترها
يارب انت المرتجى
تهزم وتدحرأبرهه
خايف باصاحبى تغرق
واكون أنا المسئول
موش قادر أمد إيدى
والفكر صار مشلول
معذور يا صاحبى لما
تخجل وتقول مفيش
الحمل صار تقيل
والهم ما ينتهيش
طلع كل جنيهاتك
واياك تقول ماعاييش
يا كارهين الغلابه
وحاضنين الوحوش
مين يسمع صوت بكاهم
ومين عنهم يحوش
لو الصور بتنطق
لو ترسم يوم رتوش
يارب انت عالم
بالقلب وبالوشوش
ياريت ياصاحبنا تبطل كلام
سكوتك محبة وتمام التمام
ياتوجد حلول للمشاكل ياسيدنا
ياترحل بخفه وخطوه انتظام
فى الحيط مدارى وشى
م الأهل وم الجيران
وبااقول يافرحه خشى
وكسرى البيبان
فى القلب أدارى جرحى
وفى العيون تبان
يارب يافرحه تيجى
ويضحك لى الزمان
الكون داملك سيدى
أسهر جواه واعيش
وما احبش أمد إيدى
ولاحد يقول مفيش
مفيش فيه حد راضى
بالقسمه وبالنصيب
اللى ع الأرض عايش
بيقول عايز حبيب
واللى اختار العلالى
محتار ومنين يجيب
حد يونس حياته
ولاعمره ف يوم يغيب
